Dismayado ang isa ka anay hukom sa nangin kabahin sang pahayag ni Senator Rodante Marcoleta angot sa posisyon sini nga e-hatag ang Kalayaan Island Group (KIG) bangud indi ini kabahin sang West Philippine Sea (WPS) nga nangin mainit man nga diskusyon sa pungsod sa subong.
Sa interview sang Bombo Radyo Koronadal kay Ret. Judge Lorenzo Balo- Provincial Legal Adviser sang Sultan Kudarat, ginpahayag sini nga dismayado ini sa pahayag sang senador bangud indi nationalistic ang ini nga mga pahayag labi pa nga naghalin ini mismo sa isa ka senador nga opisyal sang pungsod.
Dugang pa sini, bangud isa ka senador si Marcoleta naga kaangay nga mangin tingog ini sang feelings, sentimiento kag interest sang mga Pilipino agud ipakita man ang sense of patriotism kag nationalismo sang isa ka Pilipino.
Suno pa sa iya, biskan anu man ang atun nga political leanings ukon biases nagakaangay nga mag align ang mga ginabuy-an nga mga pahayag ukon statements sa atun nga konstitusyon kag sa mga foreign policies man sang aton nga gobyerno.
Ginpahayag pa sang opisyal nga kinahanglan ta nga ma-edukar angot sa issue sang aton nga soberanaya sa diin kun mag abot man nga punto nga salapayon ukon lapason ini mahimo kita nga magdepensa sini.
