Nagkasugot ang Venezuela kag Estados Unidos nga liwat pasangkaron ang ila kooperasyon militar paagi sa isa ka kasugtanan nga ginpirmahan halos isa ka tuig matapos madakpan si anay Venezuelan President Nicolás Maduro.
Ginpangunahan ang pagpirma sang kasugtanan ni Interim President Delcy Rodríguez kag U.S. Secretary of Defense Pete Hegseth.
Suno kay Rodríguez, magabulig ang kasugtanan sa pag-atubang sang nagkalain-lain nga pamahog sa seguridad, samtang ginpahayag ni Hegseth nga ang Venezuela nagbag-o na halin sa pagkabig nga pamahog sa rehiyon pakadto sa mangin kaupod sang Estados Unidos sa seguridad.
Madumduman nga naputol ang kooperasyon militar sang duha ka pungsod sang 2006, sa idalom sang administrasyon ni anay Venezuelan President Hugo Chávez, matapos niya akusaran ang Estados Unidos nga nagahanas sang mga grupo nga nagakontra sa iya gobyerno.













