Nagpatuman sang seguridad ang mga personnel sang US Air Force sa Royal Air Force Lakenheath sa Britain matapos makabaton sang report parte sa wala gin-autorisar nga pagpalupad sang drone sa palibot sang base militar.
Suno sa tagpamaba sang US Air Force, wala sang personnel, eroplano ukon pasilidad ang nadalahig sa insidente.
Ginpahayag man sang US Air Force nga nagapakig-angot sila sa mga opisyal sang Britain agud masiguro ang seguridad sang ila mga sundalo, sibilyan kag host nation.
Samtang, ginpamatud-an sang British Ministry of Defence nga madasig nga nagresponde ang US Air Force Security Forces kag naresolbar ang report parte sa indi awtorisado nga drone activity.
Nahimo ang insidente matapos nga ginbalhin sang US ang ila mga bomber aircraft halin sa base sa Britain pakadto sa Germany.
Ini nga mga eroplano amo man ang gingamit sa pag-atake sa Iran.
