Nagpatigayon sang community kag polling center visitation ang 33rd Infantry Battalion sa Barangay Nabalawag kag Kadayangan sa Special Geographic Area (SGA) sang BARMM, bilang kabahin sang pagpabakod sang seguridad antes sang Bangsamoro Parliamentary Elections sa Setyembre 14, 2026.
Kabahin ini sang mas malapad nga pagpreparar sang AFP kag PNP para masiguro ang malinong, hapsay kag luwas nga pagpatigayon sang eleksyon.
Madumduman nga antes sini, nauna na nga nagpatigayon ang Commission on Elections (COMELEC), Armed Forces of the Philippines (AFP), kag Philippine National Police–Bangsamoro Autonomous Region in Muslim Mindanao (PNP-BARMM) sang high-level security conference agud ma-assess ang mga posible nga security threats.
Kaangot sa sini nga mga preparasyon, nauna na nga ginpasiguro ni LtCol. Ronald Suscano, Spokesperson sang 6th Infantry Division, Philippine Army, sa interview sang Bombo Radyo Koronadal nga padayon ang ila koordinasyon sa mga LGUS, AFP, kag PNP agud masiguro nga kontrolado ang sitwasyon sa BARMM samtang nagahilapit ang pinakauna nga BARMM parliamentary elcetions.
Ginpasiguro man niya nga padayon ang ila pag-monitor sa lugar tubtob sa matapos ang nasambit nga election.
