-- ADVERTISEMENT --

Ginpabutyag sang isa ka residente nga si alyas Toto ang iya suporta sa kampanya kontra iligal nga droga, apang ginpabutyag nga indi ini dapat mangin rason sa paglapas sa kinamatarong kag kabuhi sang tawo.

Sa interview sang Bombo Radyo Koronadal, ginpahayag ni Toto nga handum sang bisan sin-o nga presidente nga masolusyunan ang problema sa droga sa pungsod, apang kinahanglan nga ipatuman ini suno sa laye kag may yara sang hustisya.

Dugang pa niya, indi na mabalik ang kabuhi sang tawo nga mapatay, gani dapat siguruhon nga makatarungan ang mga pamaagi sa pagpatuman sang anti-drug campaign.

Samtang, ginpahayag man niya nga indi siya pro-Marcos, apang iya ginakilala ang mga programa sang administrasyon ni Presidente Ferdinand Marcos Jr., lakip ang mga pagbisita sini sa nagkalain-lain nga pungsod nga suno sa iya nagabukas sang oportunidad para sa foreign investments.

Ginkumparar man ni Toto ang mga nahimo sang administrasyon nanday anay Presidente Rodrigo Duterte kag Marcos, kag ginpahanumdom nga dapat timbangon sang publiko ang ila tagsa ka kontribusyon sa pagserbisyo sa pungsod.