“Ipakita mo naman na ang hustisya ng Pilipinas ay hindi lang para sa mayaman, dapat rin sa mahihirap”
Ini ang panawagan sang bata ni late Bombo Bart Maravilla kay Presidente Ferdinand “Bongbong” Marcos Jr. si Jan Chiene Maravilla, nga ihatag na ang bug-os nga hustisya para sa ila pamilya kag sa iban pa nga mga pamilya sang mga biktima sang Maguindanao Massacre nga padayon nga nagahulat sang hustisya.
Sa interview sang Bombo Radyo Koronadal, ginpahayag ni Jan Chiene nga pito na ka tuig ang ila ginahulat nga makab-ot ang hustisya para sa ila pinalangga nga napatay sa amo nga trahedya.
Suno sa iya, indi lamang para sa iya amay nga si late Bombo Bart Maravilla ang ila pagpanawagan, kundi para man sa tanan nga pamilya nga nadulaan sang ila mga pinalangga kag padayon nga nagahulat sang hustisya.
Bangud sini, nagalaum sila nga hatagan sang prayoridad sang administrasyon ang ila panawagan kag makita na ang konkreto nga tikang agud makab-ot ang hustisya nga dugay na nila nga ginahulat.













