-- ADVERTISEMENT --
Ginkwestyon ni Senador Panfilo “Ping” Lacson ang pagpaathag nga isa lamang ka “honest mistake” ang pagdeklarar ni Bise Presidente Sara Duterte sa GenCorp Industries Inc. sa iya Statement of Assets, Liabilities and Net Worth (SALN).
Suno kay Lacson, mahimo nga duha ang kahulugan sini: una, indi hungod ang sala apang nagapakita sang kamatuoran; kag ikaduha, matuod nga nagapati ang isa ka tawo sa iya ginapahayag, apang sayop gali ang iya paghangop.
Ini ang sabat sang senador sa panugyan ni anay Chief Presidential Legal Counsel Salvador Panelo nga mahimo nga indi hungod ang paglakip sang GenCorp sa SALN sang Bise Presidente.
Dugang pa ni Lacson, ang mismo nga tawo nga nadalahig lamang ang makapaathag kon ano gid sa duha ka kahulugan ang natabo.













