Nagalab-ot lang sa P115 kada kilo ang presyo sang liveweight sang baboy, samtang nagalab-ot sa P210 tubtob P220 kada kilo sang karne, sa Banwa sang Ezperanza, Sultan Kudarat.
Ini ang ginkumpirmar ni Rosa Mae Taliga Edjan – Vice President sang Ezperanza Livestock Growers Association, sa interview sang Bombo Radyo Koronadal.
Suno kay Edjan, yara na sa 60 tubtob 70 porsyento na ang ila kaperdihan kun sa diin may lugi sila nga P4000 tubtob P5000 sa kada isa nga baboy nga ila mabaligya.
Ginpabutyag man niya nga madamo sa miyembro sang ila asosasyon ang naga-untat na sa pagbuhi snag baboy bangud sa manubo nga presyo sang liveweight kag dakoo na nga kaperdihan nga ila maeksperyensyaham.
DUgang pa niya, ang iban man nila nga miyembro ang mapugos na lang nga ibaligya ang ila mga ginabuhi nga baboy nga kulang pa sa dako kag bug-at bangud sa tuman nga kaperdihan.
Bangud sini, mabaskog nga nagapanawagan sa local government sang Ezperanza kag provincial goverment sang Sultan Kudarat nga pamatian ang ila ginasinggitan bangud tuman na ang ila kaperdihan sa pagbuhi sang baboy.













