Nagpahayag ang House prosecution nga kontrahon nila ang bisan ano nga tikang nga mahimo makapalawig sang impeachment trial batok kay Vice President Sara Duterte.
Suno kay House Prosecution Legal Spokesperson Atty. Benjamin “Jay” Tolosa Jr., wala na sang rason nga madugayan pa ang paglilitis bangod isa na lamang ka impeachment article ang nabilin.
Ginpaandaman ni Tolosa nga mahimo malangan ang proseso kon magpresentar pa ang depensa sang ebidensya parte sa tatlo ka kaso nga ila na ginbawi, ukon maggamit sang bug-os nga 30 ka adlaw para sa ila presentasyon.
Sang Oktubre, ginbawi sang House prosecution ang tatlo ka impeachment article nga may kaangtanan sa confidential funds, grave threats kag bribery. Ang nabilin amo ang Article II nga nagatalakay sa ginapatihan nga indi maathag nga pagkabutang ni Duterte.
Ginpahayag man ni Tolosa nga bukas ang prosecution sa kasugtanan parte sa mga ebidensya nga wala ginadimara, agud mapadasig ang paglilitis.
Samtang, ginpanginwala ni Duterte ang mga alegasyon, samtang gin-kwestyon sang iya mga abogado ang mga ebidensya nga ginpresentar sang prosecution.
Ginalauman nga magasugod ang depensa sa pagpresentar sang ila mga ebidensya sa Nobyembre 9.
