-- ADVERTISEMENT --
Magakadto sa Pilipinas ang Hollywood actress kag humanitarian advocate nga si Angelina Jolie agud mangin isa sa mga tigpamulong sa 2026 ASEAN Inclusive Growth Summit sa Nobyembre 11.
Pagatambungan ang summit sang mga tiglawas halin sa nagkalain-lain nga sektor agud talakayon ang pag-uswag sang ekonomiya sa Southeast Asia.
Kilala si Jolie sa iya mga buluhaton para sa pag-amlig sang mga kababainhan, kabataan kag mga refugee. Nag-alagad sia bilang Goodwill Ambassador sang United Nations High Commissioner for Refugees halin 2001 tubtob 2012 antes nangin Special Envoy.
Magaupod sa iya bilang mga tigpamulong sanday Tony Award-winning actress Lea Salonga, Rajo Laurel, Kylie Verzosa kag Department of Trade and Industry Secretary Cristina Roque.
