Nagpanawagan ang City Government of Koronadal sa publiko nga hatagan sang importansya ang ila kahimsog kag sundon ang mga ordinansa sang syudad nga nagaregulate sa paggamit kag pagbaligya sang sigarilyo kag vape.
Paagi sa Ordinance No. 9 of 2025, ginpahanumdom sang lokal nga panguluhan nga may nagakaigo nga multa kag silot ang mga indibidwal kag establisimyento nga malapas sa mga probisyon sini.
Ang mga indibidwal nga madakpan nga nagagamit ukon nagabaligya sang sigarilyo kag vape mahimo pagmulta sang P1,000 tubtob P5,000, samtang P5,000 naman ang multa para sa mga establisimyento nga malapas kag posible pa nga mabawi ang ila business license.
Ginpadumdum man sang City Government of Koronadal ang malain nga epekto sang sigarilyo kag vape sa panglawas, lakip ang risgo sang kanser kag mga balatian sa baga.
Gin-engganyo ang mga pumuluyo nga magbuligay sa pagsunod sang ordinansa kag mangin responsable sa pagpanalipod sang kahimsog nga panglawas kag kaluwasan sang tagsa ka pamilya.
