Nagtakop na ang kampanya sang Pinay tennis star nga si Alex Eala sa Pan Pacific Open sa Japan matapos mapierde sa quarterfinals kontra sa Russian player nga si Diana Shnaider.
Nagdaog si Shnaider sa iskor nga 2-6, 7-6, 6-4 sa isa ka mabakod kag dikit nga hampang sa court.
Sa una nga set, nangibabaw si Shnaider batok kay Eala, apang nakabawi ang Filipina tennis star sa ikaduha nga set kag napilit ang hampang nga mag-abot sa third set.
Apisar pa sang iya pagpanikasog nga makuha ang kadalag-an, wala nakahimo si Eala nga mapierde ang kontra matapos magpakita si Shnaider sang mas mabakod nga depensa kag pagdumala sang hampang.
Ginkilala man ni Shnaider nga daw final match ang ila paghampang bangud sa mataas nga lebel sang ila ginpakita nga abilidad sa court.
Ini ang ikaduha nga sunod nga kadalag-an ni Shnaider batok kay Eala, matapos man niya nga mapierde ang Pinay sa nagligad nga Ningbo Open.
Samtang, ginapaabot nga magabalik sa kompetisyon si Eala sa WTA 250 Hong Kong Open sa masunod nga semana, nga amo ang iya katapusan nga WTA tournament para sa sini nga tuig.
