Nagviral sa social media ang kaso sang isa ka 48-anyos nga babayi sa China nga nabalian sang tul-an samtang nagaligid lamang sa iya katre, nga suno sa mga doktor may kaangtanan sa tuman nga kakulang sang vitamin D sa iya lawas.
Suno sa XinDu Traditional Medicine Hospital sa Chengdu, may tuman nga osteoporosis ang pasyente bangud sa pagnubo sang bone mass.
Ginpahayag ni Dr. Long Shuang nga halin pa sang pagkabata, nagalikaw na ang babayi sa pagsanag sang adlaw kag sobra man ang paggamit sini sang sunscreen.
Suno sa mga eksperto, ang sobra nga paglikaw sa adlaw mahimo magresulta sa kakulang sang vitamin D, nga importante sa pagmintinar sang kusog sang mga tul-an kag pagbaton sang calcium.
Bisan importante ang sunscreen sa paglikaw sa skin cancer kag iban pa nga problema sa panit, ginapahanumdom sang mga eksperto ang publiko nga mangin balanse sa pagproteher sang panit kag pagmintinar sang maayo nga panglawas.
Ang insidente nagbukas man sang diskusyon sa social media sa China parte sa posible nga epekto sang sobra nga paglikaw sa adlaw bangud sa handum nga mapabilin ang puti nga panit.
