Naghagan-hagan na ang protesta kag kinagamo sa France kasunod sang daku nga rally sang Oktubre 17, samtang padayon naman ang pagmonitor sang Philippine Embassy sa Paris sa kaluwasan sang mga Pilipino sa pungsod.
Suno kay Consul Oliver Cutamora Delfin, ang First Secretary and Consul ng Philippine Embassy in Paris nga ang mga protesta nagumpisa sang katapusan nga semana sang Setyembre, sa diin ang mga estudyante nagapanawagan para sa dugang nga pondo para sa edukasyon, mas maayo nga mga pasilidad, kag madamo nga mga manunudlo.
Naglapta ang hublag sang ulihi, nga nagdul-ong sa mga insidente sang pagsunog kag pagpangawat sa pila ka mga establisimento.
Bilang sabat, ginpatuman sang mga otoridad ang curfew sa pila ka mga lugar. Apang wala pa sang report nga may mga Pinoy nga napatay ukon napilasan, kag wala man sang request para sa repatriation.
Ginpanugyan sang embahada sa mga Pilipino nga likawan ang mga lugar nga ginaprotestahan, magpabilin nga mabinantayon, kag bantayan ang mga opisyal nga pahibalo para sa mga update kag bulig, kon kinahanglanon.
