Nakapagkit na ang Regional Cybercrime Unit 12 sang 91 ka kaso sang online threats sa bug-os nga Region 12 halin Hulyo 1 tubtob Oktubre 3, 2026.
Sa interview sang Bombo Radyo Koronadal kay PMaj Mark Gerald Norbe, Chief of Police Operations sang Regional Cybercrime Unit 12, iya ginkumpirmar nga sa nasambit nga numero, 54 ang menor de edad nga nalakip sa mga kaso.
Suno sa datos, walo ka indibidwal nga yara sa husto nga pang-edaron ang naarestar, samtang 60 ka kaso ang naresolbar kag may mga biktima nga na-rescue.
Samtang, 31 ka kaso ang padayon pa nga ginaiimbestigaran sang mga otoridad.
Ginpaathag ni Norbe nga padayon ang pagtuon kag pagmonitor sang ila unit sa digital footprints sang mga social media user agud matunton kag makilala ang mga nagahimo sang pagpamahog paagi sa online platforms.
Dugang pa niya, importante ang padayon nga pagmonitor kag imbestigasyon sa mga online threat report agud mahibaluan ang identidad sang mga responsable kag maproteheran ang mga posible nga mangin biktima sang pagpamahog sa social media.
