Pabor si Sto. Niño Mayor Sulpicio Villalobos nga iduso ang 2026 Barangay and Sangguniang Kabataan Elections (BSKE), ginahatagan pagtamod ang importansya sang paghatag sang oportunidad sa mga botante nga makapili sang mga lider nga ginakabig nila nga takus sa pagpanguna sa ila barangay.
Sa interview sang Bombo Radyo Koronadal kay Villalobos, iya ginpahayag nga ang mga incumbent barangay officials kag aspirants sa Sto. Niño may nagkalain-lain nga reaksyon matapos ginpirmahan ni Presidente Ferdinand Marcos Jr.
Suno sa alkalde, nadismaya ang pila ka mga aspirante nga indi mag-agi ang ginalauman nga eleksyon, samtang ang mga nagapungko nga opisyal padayon nga nagahimo sang ila mga katungdanan—partikular paagi sa paghatag sang serbisyo kag pagsabat sa mga kinahanglanon sang ila mga constituents.
Ginabanta 25,000 ang rehistrado nga botante sa Sto. Niño suno kay Villalobos.
Sa pihak sang postponement, ginpahayag sang alkalde nga wala sang iban nga mahimo ang mga kandidato kag incumbent officials kundi maghulat sang masunod nga eleksyon kag magpadayon sa pagserbisyo sa ila mga nasakupan.
