Ginpahayag sang defense spokesperson nga si Atty. Michael Poa nga wala sila sang pagpamatok sa pagtalana sang tatlo ka Amici Curiae nga kunsay anay Chief Justice kag Associate Justice.
Suno kay Poa, nangin bukas kag consultative ang impeachment court sa mga suhestyon sang mga partido, gani wala sila sang nakit-an nga problema sa pagpili sang mga Amici Curiae.
Dugang pa ni Atty. Poa, posible nga matalakay sang mga ini ang mga pagbag-o sa balor sang assets ni Vice President Sara Duterte, lakip na ang mga nagkalain-lain nga figures sa iya financial records.
Apang, indi pa makahatag sang pinal nga pahayag ang depensa bangud ginahulat pa nila ang mga ebidensya nga ipresentar sang prosekusyon may kaangtanan sa Article II ukon “unexplained wealth.”
Suno kay Atty. Poa, mahimo man nga makabulig ang mga Amici Curiae sa paghatag sang mas klaro kag mas madalom nga paghangop sa mga legal nga isyu sa kaso, ilabi na bangud may nagkalain-lain na nga opinyon parte sini, lakip sa social media.
