Nagmando ang Sandiganbayan Third Division sa warden sang Bureau of Jail Management and Penology (BJMP) nga ipasulod bilang detention prisoner si anay House Speaker Martin Romualdez bangud sa kaso nga plunder nga may kaangtanan sa ginapahayag nga P7.4 bilyon nga infrastructure kickback scheme.
Gintalana sang anti-graft court ang iya arraignment kag pre-trial sa Setyembre 14.
Nagpabilin naman nga indi “medically fit to travel” si Romualdez suno sa medical certification sang iya mga doktor sa Cardinal Santos Medical Center.
Gin-arestar kag ginbutang sa police custody si Romualdez sa sulod sang ospital sang Lunes samtang nagarecover sa cardiovascular event, high blood pressure kag panic attack.
Ginpahangyo man sang korte ang iya mga attending physician nga maghatag sang opisyal nga report bahin sa iya aktuwal nga kahimtangan.
Nagapadayon ang pakig-angut sang Criminal Investigation and Detection Group (CIDG) sa ospital agud mabantayan ang iya kondisyon kag maipresentar siya mismo sa korte kun magbag-o ang iya kahimtangan.
