Nagpaandam si Israeli Energy Minister Eli Cohen nga atakehon liwat sang Israel ang Iran kun magsulay ini nga ibalik ang iya nuclear kag ballistic missile programs.
Ginpahayag ni Cohen nga bisan makapakig-angot ukon makasulod sa kasugtanan ang Iran kag Estados Unidos, magaatake gihapon ang Israel kun makita nga ginapabalik sang Tehran ang mga programa nga ini.
Apang, suno sa iya, wala sang rason ang Israel nga mag-atake kon magpabilin nga malinong ang Iran kag indi na sini pag-ibalik ang nuclear kag missile programs.
Ginpahayag man ni Cohen nga padayon nga ginabantayan sang Israel ang kahimtangan sang Iran.
Suno sa iya, ginatantya sang Israeli intelligence nga mahimo magkinahanglan ang Iran sang duha tubtob apat ka tuig antes sini posible nga mabalik ang iya nuclear capabilities matapos ang mga pag-atake.
