Nagpaandam sa subong sang isa ka Human Rights Activist sa tanan nga mga ginikanan angot sa peligro nga dala sang Nihilistic Violent Extremism (NVE) sa mga menor de edad sa diin mahimo ini nga makaapekto sa panan-awan sang mga ini sa kalibutan sa ila nga lamharon nga pangedaron. Sa interview sang Bombo Radyo Koronadal ginpaathag ni Ms. Lexi Acosta ang tumong sang Nihilistic Violent Extremism (NVE) nga mga palapnag sang violence sa bug-os nga kalibutan kag may mga long-term ini nga epekto sa diin plano sang mga ini ang global control kag mas sadyahan suno pa ang mga ini sa mga violence nga nagakatabo sa nagkalain-lain nga bahin sang kalibutan.
Ginpahayag pa sini nga ang Nihilistic Violent Extremism (NVE) ang ginalakipan sang lain-lain nga sahi sang tawo nga mahilig sa mga “dark” nga mga bagay-bagay , parehas sang mga detalye sang krimen, mga malain nga mga pranks kag mga serye sang bullying. Dugang pa sini, madugay na nga naga exister ang nasambit nga malain nga ideolohiya sa diin nag ugat sa bahin sang Estados Unidos. Apang suno sa iya, bangud sa social media, madasig ang connections sang mga ini kag mas lapad ang epekto sini labi na sa mga kabataan nga masami nga isolated sa palibot kag madali magpati sa ila nga mga ginasugo.
Agud nga mapakigbatuan ini, nagakaangay nga giyahan kag laygayan ang sang ensakto ang mga kabataan agud nga indi magtalang ang banas sang mga ini kag malikawan ang pagpalapit sang mga ini sa Nihilistic Violent Extremism (NVE).
