Ginahimo sang Energy Regulatory Commission (ERC) ang pagpasanyog sang pagpagwa sang administratibo nga resolusyon nga magakakas sa 12% value-added tax (VAT) sa system loss charges sang kuryente.
Sang nagligad nga semana, ginpahibalo sang ERC ang draft resolution nga nagabag-o sa pila ka probisyon sang ERC Resolution No. 20, series of 2005, kag ERC Resolution No. 14, series of 2022.
Sa idalom sang proposed resolution, ideklarar nga ang system loss charge isa ka government-mandated pass-through cost kag indi dapat kabahin sang gross receipts sang Generation Companies, National Grid Corporation of the Philippines (NGCP), kag Distribution Utilities (DUs) para sa pagpatuman sang 12% VAT.
Sa joint hearing sang Senate committees on energy kag public services sang Huwebes, ginpahayag ni ERC Chairman Francis Saturnino Juan nga sundon sang ahensya ang due process antes pormal nga pag-adopt sang bag-o nga mga pagsulundan.
Ang tikang ginapaabot nga makabulig sa pagpaathag sang pagpatuman sang VAT sa system loss charges nga kabahin sang bill sang kuryente.
