Nagpakita sang kabakod ang Alas Pilipinas Girls, apang napierdi gihapon sang Korea, 21-25, 18-25, 14-25, sa Round of 16 sang FIVB Volleyball Girls U17 World Championship.
Nagpanguna si Caera Celis para sa Pilipinas nga may 14 puntos, lakip ang 12 attacks, isa ka block kag isa ka ace.
Naghatag man sang maayo nga performance si Xyz Rayco, nga nakapagkit sang siyam ka puntos kag nagbulig sa depensa.
Nakahimo ang Alas Girls sang pila ka maayo nga rallies kag attacks, apang nagpangibabaw ang Korea sa ila mas epektibo nga opensiba.
Samtang, nakapagkit ang Korea sang 45 attacks batok sa 29 sang Pilipinas.
Si Soyeon Son ang nanguna sa Korea nga may 19 puntos, samtang si Minseo Eo nakapuntos sang 15./Bangud sa kadalag-an, nakaabante ang Korea sa quarterfinals kag magaatubang sa Turkiye.
Samtang, magaatubang ang Alas Pilipinas Girls sa Japan sa playoffs para sa ika-9 tubtob ika-16 nga pwesto.
