Ginbakwit ang masobra 63,000 ka indibidwal sa France bangud sang malapnagon nga wildfire, samtang nagdeklara man sang national emergency ang Spain bangud sa naglala nga sunog sa kabukiran.
Sa Cap Ferret Peninsula sa France, ginmanduan sang mga otoridad ang bug-os nga pag-evacuate sang lugar, kun diin 40,000 ka indibdiwal ang ginbakwit, samtang 23,000 pa ang gin-evacuate sa Biscarrosse kag Parentis-en-Born.
Suno sa mga otoridad, masobra 10,000 ektarya na sang kalasangan ang nasunog, kag 158 ka mga balay kag iban pa nga establisemento ang naguba.
Wala naman sang bag-o nga casualty nga naitala, apang duha ka firefighters ang napatay samtang nagaresponder.
Samtang, nagdeklarar sang national emergency ang Spain bangud sa nagaluntad nga mga wildfire malapit sa Madrid.
Ginhingyo ni Prime Minister Pedro Sánchez ang publiko nga maghalong, samtang gintawag naman ni Madrid regional president Isabel Díaz Ayuso ang insidente bilang pinakatuman nga wildfire sa maragtas sang rehiyon.
Padayon ang operasyon sang mga bombero, samtang nagpadala man ang European Union sang mga eroplano kag helicopter agud magbulig sa pagpatay sang sunog sa France kag Spain.
