Gin-arestar ang mag-utod nga social media influencer nga sanday Andrew kag Tristan Tate sa Miami, U.S. pagkatapos nagpaguwa sang warrant nahanungod sa bag-o nga mga panumbungon batok sa ila ang korte sang Britanya.
Suno sa Crown Prosecution Service sang Britanya, 38 ka bag-o nga panumbungon ang ginpasaka batok sa mag-asawa, lakip ang mga alegasyon sang pagpanglugos, pagpang-atake, kag human trafficking.
Ginpahayag sang mga piskal nga apat pa ka dugang nga ginaalegar nga mga biktima ang nakilala, nga nagdugang sa kadamuon sang mga reklamo nga ginaatubang sang mga utod.
Nagapangatubang sang dugang nga kaso may kaangtanan sa rape, sex trafficking, kag mga alegasyon nga may kaangtanan sa indi disente nga mga laragway sang isa ka bata si Andrew Tate.
Samtang, si Tristan Tate ang ginpasakaan sang kaso nga rape kag ginaalegar complicity sa trafficking para sa sexual exploitation.
Ginhingyo sang Britanya nga i-extradite ang mag-utod agud mabista sa pungsod.
Samtang, hugot nga ginpanghiwala sang mag-utod ang tanan nga alegasyon, nga nagapanindugan nga wala ini sing basihan.
Magluwas sa mga kaso sa Britanya, naga-atubang man sila sang separado nga imbestigasyon sa Romania nga nagsugod sang 2022.
