Halos isa ka bulan matapos ang magkasunod nga makusog nga linog sa Venezuela, nagsaka na sa masobra 5,000 ang numero sang mga napatay, samtang gin-anunsyar sang mga opisyal nga nakatigom sang ginatos ka milyon ka dolyar nga pondo halin sa International Monetary Fund (IMF) para sa rehabilitasyon sang mga naguba nga mga imprastruktura.
Suno kay National Assembly chief Jorge Rodriguez, kadam-an sa mga napatay ang napagkit sa coastal state sang La Guaira.
Nagapabilin naman sa kapin 16,000 ang mga napilasan, apang kadam-an sa ila ang nakauli na halin sa balay-bululngan.
Samtang, ginpabutyag ni IMF Managing Director Kristalina Georgieva nga magahatag sang pondo ang IMF kag nagapakigbuligay na ini sa mga otoridad sang Venezuela agud ma-access ang pondo para sa nagakinahanglan nga humanitarian response.
Sa pihak sini, ginabulubanta nga nagaabot sa 20,000 ka tawo ang nadulaan sang puluy-an bangud sang mga linog kag subong nagaestar anay sa nagaginutok nga evacuation camps nga kulang sa tubig kag maayo nga sanitation system.
