Ginpamatukan ni anay Surigao del Norte Representative Robert Ace Barbers ang panawagan nga ibalik ang ginatawag nga “Duterte-style of governance” ukon “kamay na bakal” batok sa kriminalidad kasunod sang pagpatay sa isa ka motorcycle taxi rider sa Caloocan City.
Suno kay Barbers, indi dapat gamiton ang insidente agud suportaran ang extrajudicial killings, kag ginpabaskog niya nga ang mga kriminal kinahanglan manabat sa idalom sang layi kag due process.
Gindugang pa niya nga ang reward system sang nagligad nga administrasyon nagresulta lang sa korapsyon kag ginhimo nga “criminal enterprise” ang pagpapatuman sang layi.
Samtang, ginpahayag man ni Bicol Saro Party-list Representative Terry Ridon nga indi kabaton-baton ang pagbalik sa mga extrajudicial killings.
Suno sa iya, dapat sa gihapon makab-ot ang hustisya paagi sa husto nga proseso kag pagpapanabat sa mga naglapas sang layi.
