Nagdangat na sa 57,316 ka pamilya ang naapektuhan sang pagpanalasa sang Bagyong Inday nga nagpalala sa epekto sang habagat sa nagkalain-lain nga bahin sang Pilipinas.
Ini equivalent sang masobra 248,000 ka indibidwal halin sa 161 ka barangay sa bug-os nga pungsod.
Sa Kasamtangan nga yra na sa 6,400 ka tawo ukon mga 1,900 ka pamilya ang yara gihapon sa evacuation centers.
Nagbukas ang gobyerno sang masobra 40 ka evacuation center para sa mga naapektuhan sang pagbaha kag mabaskog nga pag-ulan.
Suno sa mga awtoridad, mahimo pa madugangan ang numero samtang ginapadayon sang Department of Social Welfare and Development (DSWD) kag National Disaster Risk Reduction and Management Council (NDRRMC) ang assessment sa mga apektado nga lugar.
Lakip sa mga naapektuhan nga rehiyon ang Cagayan Valley, Cordillera, Ilocos Region, Central Luzon, Western Visayas, Negros Island, Zamboanga Peninsula, Northern Mindanao, Davao, Sultan Kudarat, Cotabato, South Cotabato, Sarangani, kag General Santos (SOCCSKSARGEN), kag Bangsamoro Autonomous Region in Muslim Mindanao (BARMM).
