Nagapadayon sa pagpaayo ang Filipino-American transgender beauty queen nga si Kataluna Enriquez matapos makaluwas sa isa ka malala nga car accident nga halos nagkuha sang iya kabuhi.
Si Enriquez ang nagdaog bilang Miss Nevada USA 2021 kag amo ang pinakauna nga transgender woman nga nagrepresentar sa Miss USA sang amo man nga tuig.
Sa iya social media post, ginpahayag ni Enriquez nga ang iya naaguman nagpabag-o sang iya panan-aw sa kabuhi.
Suno sa iya, ang duha ka semana nga pagpabilin sa balay-bululngan nagtudlo sa iya sang mas dako nga pagpasalamat kag mas madalom nga pagintindi sa kaugalingon.
Wala naman siya naghatag sang dugang nga detalye may kaangtanan sa natabo nga aksidente.
Samtang nagapadayon ang iya recovery, nagpahayag si Enriquez sang paglaum nga makabalik siya sa pagpahayag sang iya talento kag padayon nga suportahran ang mga adbokasiya nga iya ginapatigayon.
