Natukiban sang mga researcher ang apat ka bag-ong fault zones sa idalom sang dagat sa kasadpang bahin sang Luzon.
Ang pagtuon ginpangunahan sang mga eksperto halin sa University of the Philippines Marine Science Institute (UP MSI), kaupod ang Department of Science and Technology–Philippine Institute of Volcanology and Seismology (DOST-PHIVOLCS) kag University of the Philippines National Institute of Geological Sciences (UP-NIGS).
Suno sa pagtuon, ang mga bag-o nga fault zones nagaserbi bilang mga sanga sang Philippine Fault Zone, kag ang isa sa sini nagalawig tubtob sa Manila Trench nga posible nga mangin halinan sang mabaskog nga linog kag tsunami.
Ginpahayag sang mga eksperto nga ang pagmapa sang mga ini nga fault zones magabulig sa mas ensakto nga hazard assessment kag sa pagpanghanda sang gobyerno kag publiko batok sa posible nga linog kag tsunami sa Luzon.
