Ginkumpirmar sang Senado nga magasugod sa Hulyo 6, 2026 ang impeachment trial batok kay Vice President Sara Duterte, suno sa ila ginpatuman nga schedule.
Suno kay Atty. Renato Bantug Jr., Clerk of Court sang impeachment proceedings, naisumiter na sang duha ka panig ang ila tagsa ka pre-trial briefs.
Lakip diri ang 57-panid nga dokumento sang prosekusyon kag 60-panid nga sabat sang depensa bilang preparasyon para sa trial.
Ang impeachment naghalin sa kontrobersyal nga pagusar sang P125-milyon nga confidential funds sang Office of the Vice President sang 2022, nga isa sa mga nagapanguna nga basehan sang reklamo.
Bisan pa sang tensyon sa pamunuan sang Senado, ginpasiguro sang mga senador nga magapadayon ang trial sa natalana nga petsa.
Ginapaabot nga ang impeachment trial mangin isa sa pinakamainit nga isyu sa pulitika subong nga tuig kag posible nga makaapekto sa ambisyon ni Duterte para sa 2028 presidential elections.
