Nagpaandam ang Iran nga posible maapektuhan ang yara nga ceasefire understanding sini sa Estados Unidos kon magapadayon ang mga pag-atake sang Israel sa Beirut, Lebanon, sa tunga sang nagalala nga tensyon sa rehiyon.
Suno kay Iranian Foreign Minister Abbas Araghchi, ang kasugtanan sa Washington nagatuyo sang “ceasefire on all fronts, including in Lebanon,” kag bisan ano nga paglapas sa isa ka lugar mahimo magresulta sa pagkaguba sang bug-os nga kasugtanan.
Ang pahayag nagasunod sa mando ni Israeli Prime Minister Benjamin Netanyahu nga magpatigayon sang airstrikes sa Dahieh district sa Beirut, nga iya gintawag nga “terror infrastructure” nga ginakaundan sang mga pag-atake sang rocket kag drone nga ginaangot sa Hezbollah.
Suno kay U.S. President Donald Trump, padayon siya nga nagapakig-angot sa duha ka pihak, lakip na si Netanyahu kag mga representante nga may kaangtanan sa Hezbollah.
Ginkumpirma man ni Netanyahu ang iya pakig-estorya kay Trump apang ginpahayag niya nga magapadayon ang Israel sa operasyon kontra Hezbollah kun magapadayon ang militante nga grupo sa pag-atake sa mga sibilyan sang Israel.
