Ginpasiguro sang Department of Education (DepEd) Region XII nga preparado na ang bug-os nga rehiyon para sa pagbukas sang klase sa Hunyo 8 sa idalom sang Brigada Eskwela kag iban pa nga mga preparasyon sang departamento.
Sa exclusive interview sang Bombo Radyo Koronadal kay Atty. Alberto Escobarte, Regional Director sang DepEd Region XII, ginpahayag sini nga padayon nga ginapatigayon sang departamento ang mga programa sa idalom sang Aral Program agud mapabakod pa ang abilidad sang mga estudyante sa pagbasa kag pagsulat antes ang opisyal nga pagbukas sang School Year 2026–2027.
Suno kay Escobarte, apisar sang kakulangan sang mga hulot-klasehan sa pila ka mga pampubliko nga eskwelahan sa rehiyon, padayon man ang mga tikang sang DepEd para masolbar ini paagi sa konstruksyon sang mga classroom gamit ang pondo halin sa Maintenance and Other Operating Expenses (MOOE).
Bangud sini, ginpasiguro sang opisyal nga magapadayon ang implementasyon sang nagkalainlain nga mga programa kag proyekto sang DepEd agud mapasangkad pa ang kalidad sang edukasyon kag masiguro ang maayong preparasyon para sa pagbukas sang klase sa bug-os nga Region XII.
