Ginkumpirma sang Department of Foreign Affairs (DFA) nga wala ini nakabaton sang bisan ano nga hingyo agud kanselahon ukon suspendiron ang pasaporte ni Senador Ronald dela Rosa sa tunga sang isyu nga may kahilabtanan sa ginapahayag nga arrest warrant halin sa International Criminal Court.
Suno kay DFA spokesperson Analyn Ratonel, sa idalom sang New Philippine Passport Act, ang pagkansela sang pasaporte mahimo lang base sa specific nga rason nga ginapahayag sa layi, kag indi lakip ang simple nga pag-isyu sang warrant halin sa lokal ukon internasyonal nga korte.
Ginpahayag man sang DFA nga wala pa sang basehan agud repasuhon ang passport status ni dela Rosa bangud wala pa sila nakabaton sang bisan ano nga court order may kaangtanan sini sini.
Apang ginpaklaro sang ahensiya nga ang pasaporte mahimo lang kanselahon kun may hold departure order halin sa mga otoridad sa Pilipinas ukon kun ang tag-iya sini gin-deklarar nga pugante sang korte.
