Yara sa high alert ang Philippine Red Cross (PRC) sa tunga sang padayon nga pagresponder sa narumpag nga building sa Barangay Balibago, Angeles City, Pampanga.
Suno sa PRC, nagakoordinar na ang mga dispatched teams sini sa mga lokal nga otoridad.
Base sa ground report sang PRC, 26 sa 47 ka mga apektado nga indibidwal ang na-rescue samtang nagapadayon ang pagpangita sa 18 pa ka dugang nga reported missing kag ginkumpirmar man sang organisasyon ang una nga duha ka fatalities.
Ang PRC nagpadala sang mga grupo sang Collapsed Structure Search and Rescue kag Emergency Medical Services gikan sa ila mga chapter sa Pampanga kag Olongapo agud magbulig sa nagapadayon nga mga pagtinguha sa pagluwas.
May yara man sang 24/7 Welfare Desk nga ginpahamtang sa Angeles Hospital agud maghatag sang Restoring Family Links kag psychosocial support para sa pamilya sang mga biktima.
