Nagapati ang isa ka retirado nga hukom nga dapat maglikaw ang mga senador sa bisan ano nga impluwensya sang pulitikal ukon personal nga interes, kag siguraduhon ang mangin desisyon ang resulta sang mahalong kag independiyente nag pag-usisa sang mga ebidensya.
Sa interview sang Bombo Radyo Koronadal kay Ret. Judge Lorenzo Balo, ang Provincial Legal Adviser sang Sultan Kudarat, iya ginpahayag ang panawagan sa Senado nga siguraduhon sa patas kag wala sang ginapa-apinan nga trial sa impeachment complaint batok kay VP Sara Duterte.
Ginpaathag man niya nga ang impeachment amo isa ka importante nga constitutional mechanism nga may tumong nga pasabton ang mga opisyales.
Dugang pa ni Balo, importante man nga mahatagan sang higayon ang Bise Presidente nga sabton ang mga alegasyon batok sa iya sa husto nga proseso, agud mapakita ang iya initeres sa publiko.
Bangud sini, nagpanawagan si Balo sa publiko nga magpabilin nga vigilante kag likawanan nga emosyon ang magdesisyon sa nagapadayon nga trial angot sa impeachment case batok sa Bise Presidente.
