Ginpadayon sang Los Angeles Lakers ang ila pagdominar sa NBA Playoffs matapos lutuson ang Houston Rockets, 101-94, sa Game 2 sang ila first-round series sa Crypto.com Arena sa Los Angeles, kag ginakuha ang 2-0 nga deperensya sa best-of-seven series.
Ginpangunahan ni LeBron James ang Lakers nga may 28 puntos, 8 rebounds, kag 7 assists, lakip ang isa ka reverse dunk batok kay Kevin Durant sa third quarter nga nagpasinggabi sang home crowd.
Apisar wala si Luka Doncic bangud sa naagom nga hamstring injury kag Austin Reaves bangud sa oblique injury, may igo nga suporta si James halin kay Marcus Smart nga may 25 puntos, 7 assists, kag 5 steals, kag kay Luke Kennard nga may 23 puntos kag 3 three-pointers.
Sa bahin sang Rockets, nagbalik si Kevin Durant kag nag-score sang 23 puntos, apang napugos siya sa 3 puntos lang sa second half kag nakabaton 9 turnovers.
Nagdugang man sang score si Alperen Sengun sang 20 puntos kag 11 rebounds, samtang si Jabari Smith Jr. may 18 puntos.
Magabalhin ang play offs sa Houston para sa Game 3 sa Biyernes, Abril 24, 2026, kun sa diin tinguhaan sang Rockets nga makabawi kag malikawan ang 3-0 nga deficit.
