Nagtaliwan sa edad nga 67 anyos ang bantog nga rapper kag DJ nga si Afrika Bambaataa.
Suno sa iya pamilya, napatay siya bangud sa komplikasyon sang kanser sa iya puluy-an sa Pennsylvania.
Natawo sia sa Bronx sa diin nag-upod sia sa lokal nga gang nga “Black Spades” sa diin nagtaas ang iya ranggo kag nangin isa ka “warlord”.
Nagsugod sia sang dekada 1970 bilang isa ka host sang party sa diin nagaguwa ang musika nga hip-hop.
Una niya nga ginpaguwa ang isa ka ambahanon sang 1980 nga may tig-ulo nga “Zulu Nation Throwdown” samtang ang iya ambahanon nga “Planet Rock” sang 1982 nagsaka sa ikaapat nga pwesto sa US R&B chart.
Nalakip man ini sa album nga “Sun City” nga naglakip sang pila ka mga bantog nga rappers kaangay nanday Joey Ramone, Ru DMC, U2 kag iban pa.
