Ginpahayag nga naglunsar ang Iran sang duha ka missile sa joint UK-US military base sa Diego Garcia.
Suno sa ulat, wala nagmalampuson ang pag-atake.
Natabo ini antes pa gin-anunsyo sang United Kingdom ang plano nga palapdon ang paggamit sang Amerika sa ila mga base.
Sa pihak nga bahin, ginpahayag sang Iran nga gin-target liwat ang ila Natanz nuclear facility, apang ginpahibalo nga wala sang peligro sa mga pumoluyo nga nagapuyo malapit sa lugar.
Ginpakita sang foreign minister sang Iran nga daw indi handa ang Estados Unidos nga untatan ang ila agresyon, bisan pa nga ginpahayag ni President Trump nga ginakonsiderar sang US ang “winding down” sang giyera.
Bilang sabat, gin-anunsyo sang Estados Unidos nga pansamantala nila nga babawi-on ang mga sanction sa Iranian oil nga stranded sa dagat, agud mapahagan-hagan ang epekto sang giyera sa presyo sang enerhiya sa bug-os nga kalibutan.
Padayon nga nagataas ang tensyon sa rehiyon, kag posible pa nga may masunod nga mga engkwentro sa palaabuton.
