Trending karon sa social media ang bag-o nga portrait sang Filipina beauty queen nga si Gazini Ganados, ang Binibining Pilipinas Universe 2019, matapos siya ipakilala bilang isa sa mga partisipante sa inaugural edition sang Miss Grand International All Stars.
Ginrelease sang nagligad nga adlaw sang Miss Grand International ang headshot ni Gazini sa ila social media page agud ipakilala siya bilang isa sa mga delegado sa pinakauna nga MGI All Stars pageant.
Ang MGI All Stars isa ka espesyal nga edisyon sang kompetisyon nga nagatipon sang mga beterano ukon anay tiglawas sa lain-lain nga national kag international beauty pageants agud magpartisipar sa liwat para sa isa ka dako nga international title.
Bukas ang kompetisyon sa mga kandidata nga nagpartisipar na sa iban nga pageants, lakip na ang mga nakadaog na sang international titles, lakip man ang mga may asawa, may anak, kag transgender women.
Ginkilala sang organisasyon ang Filipina-Palestinian nga modelo, aktres, kag TV personality nga si Gazini bilang kilala sa iya “striking beauty, commanding stage presence, and inspiring life story.”
