Magahimo ang Atin Ito Coalition sang ila ika-apat nga civilian mission sa katapusan sang Abril, nga magatutok sa tatlo ka krisis sa West Philippine Sea (WPS).
Suno kay Akbayan Party-List President Rafaela David, tatlo na ka beses nila nahimo ang misyon, kag madinalag-on nga malampuwasan ang mga pamahog, lakip na ang presensya sang mga Chinese vessels.
Tinutuyo sang bag-o nga misyon amo ang pagbulig sa mga manugpangisda nga apektado sang oil crisis sa Middle East paagi sa paghatod sang petroleum kag iban pa nga supplies.
Ginaplanuhan man sang grupo nga palawigon ang kamalayan sa mga isyu sang Chinese spying kag recruitment activities, kag likawan ang pagdamo sang mga “Tsinador” kag posible ng supporters sa rehiyon.
Ang misyon magadugay sang lima ka adlaw, nga magalakip sang mga diyalogo sa mga residente sang Pag-Asa Islands, pakig-angut sa mga manugpangisda, pagtuon sa imprtansya sang WPS, kag pag-organisa sang patriotic activities agud mapabakod ang paghigugma sang mga Pilipino sa West Philippine Sea.
