Ginlaragway ni Romar Olivares, City Information Officer sang syudad Koronadal bilang isa ka matutom kag sinsero nga lider si Mayor Bebot Ogena, matapos ang iya pagtaliwan.
Sa exclsuive interview sang Bombo Radyo Koronadal, indi mapunggab ni Olivares ang iya emosyon samtang ginadumdum ang dedikasyong sang alkalde sa pagserbisyo sa katawhan.
Suno kay Olivares, bisan pa sa mga personal nga ginabtayag kag kabudlayan ni Mayor Ogena, padayon gihapon ini sa paghatag sang bulig kag serbisyo sa mga pumuloyo sang syudad.
Ginpahayag ni Olivares, isa ka pribilehiyo ang makatrabaho kag makilala si Mayor Ogena, nga kilala sa iya daku nga paghigugma sa katawhan.
Dugang pa ni Olivares, antes pa man pagtaliwan sang mayor, nagkaangot pa sila sang personal nga pagistoryahanay may kaangtanan sa kahimtagan sang iya lawas kag ginabatyag nga sakit.
Gindugang pa ni Olivares, ang alaala kag mga prinsipyo sang liderato ni Mayor Ogena magapabilin nga inspirasyon sa mga nagaserbisyo sa lokal nga pang ginuberno kag sa katawhan nga iya ginserbisyuhan.
