Nagapadayon ang konstruksiyon sang naguba nga dalan sa Barangay Ned, Lake Sebu, South Cotabato, nga bangud sa nagluntad nga landslide.
Ini ang nangin pahayag ni Ferdinand “Dinand” Hernandez – Senior Deputy Speaker kag South Cotabato Second District Representative, sa interview sang Bombo Radyo Koronadal.
Target nga matapos ang pagkay-o sang dalan antes matapos ang tuig agud epektibo nga mausar ini sang mga residente.
Ginpahayag man niya nga kinahanglan nga sementado ang dalan, apang nakadepende ini sa negosasyon sa mga miyembro sang Indigenous Peoples (IPs) antes mag-umpisa ang konstruksyon sa lugar.
Samtang, ginpasalamatan man ni Hernandez ang padayon nga koordinasayon ni Governor Reynaldo S. Tamayo sa pagtutok sa problema kag pagpangita sang solusyon.
Bangud sini, ginpasiguro man ni Hernandez ang publiko, partikularmente ang mga residente sang Lake Sebu, nga magapadayon ang pagkay-o kag ma-usar na ang dalan sa pinakadali nga panahon.
