Ginpaklaro ni Vice President Sara Duterte ang iya bahin may kaangtanan sa ginpasang-at nga impeachment complaint batok sa iya sa House of Representatives.
Suno kay Duterte nga ang impeachment complaint ang ginhimo sang pila ka mga mamalidha nga wala sang konkreto nga ebidensya.
Ginpabutyag niya nga nagtambong siya sa duha ka hearing apang indi siya direkta nga ginpamangkot sa pila ka bahin sang proseso, bangud ang mga pamangkot ang nakasandig sa script nga ginpreparar sang isa ka abogado kag indi prepardo ang mga mamalidha nga magpangkot sa iya bangud indi siya nalakip sa nasambit nga script.
Gindugang pa sang Bise Presidente nga indi husto ang ginapaguwa sang House of Representatives nga mga naratibo nga wala siya nagsabat sa ginpatigayon nga hearing.
Madumduman nga ini nga impeachment complaint ang kaangot sa alegasyon nga sala nga pag-usar sang confidential funds sang opisina sang Bise Presidente.
