Wala ginasalikway ni Sen. Erwin Tulfo ang posibilidad nga may mga indibidwal nga manugtunto sa nagapadayon nga kinagamo sa Middle East, nga nagtuga sang padayon kag tuman nga pagsaka sang presyo sang petrolyo.
Ginkwestyon ni Tulfo ang gilayon nga pagsaka sang presyo sang petrolyo bisan may yara man sang reserve ang mga kumpanya sang petrolyo.
Suno sa Department of Energy (DOE), ang presyo sang petrolyo ang insakto pa gihapon base sa paglihok sang presyo antes kag pagkatapos magluntad ang kinagamo.
Dugang pa kay DOE’s Rino Abad, posible nga maglab-ot sa P80 ang kada litro sang diesel kag P70 naman ang gatong sa masunod nga semana.
Nakig-istorya naman na ang DOE sa mga dako nga kumpanya sang gatong agud himuon nga staggered ukon amat-amat ang pagsaka sang presyo, kag nagahulat pa sila sang sabat halin sa mga kumpanya, apang nagalaum ang DOE nga magapasugot man sila sa ulihi.
