Gin-kumpirmar sang Israel nga 10 ka tawo na ang napatay kag sobra 200 pa ang nasamaran halin sang ginlunsar ang ila military operations batok sa Iran.
Sa pahayag sang Magen David Adom (MDA), ginreport nga halin sang pagsugod sang Operation Roaring Lion, nag-abot na sa 238 ang kabug-usan nga casualties nga ginbuligan kag gindala sa mga ospital. Sa sini nga numero, 10 ang napatay, duha ang kritikal ang kahimtangan, lima ang may katamtaman nga pilas, kag 221 ang may magaang nga injuries. Sa 221, 175 ang nasamaran samtang nagapalagyo pakadto sa mga bomb shelter.
Siyam sa mga napatay ang ginreport nga halin sa siyudad sang Beit Shemesh, sa diin may residential building nga ginigo sang missile.
Padayon ang tensyon sa rehiyon samtang ginadepensahan sang United States kag Israel ang ila ginhiwat nga joint military operations batok sa Iran.
