Ginakabig sang isa ka estudyante nga indi isyu ukon problema ang political dynasty ilabi na kun may bug-os nga tagipusuon nga magserbisyo sa katawhan ang mga opisyales sang gobyerno.
Ini ang nangin pahayag ni Marcos Bautista, estudyante angot sa Anti-Political Dynasty Bill, sa interview sang Bombo Radyo Koronadal.
Pagpaathag ni Bautista, ini nga perspektibo nagahalin sa pagtan-aw sa performance indi sa apelyido sang isa ka opisyales sang gobyerno.
Gindugang pa niya nga may pila gihapon nga mga opisyales nga apisar kasubong sang mga apelyido, nagapabilin gihapon nga epektibo sa pagdumala sang katawhan.
Nagpanawagan man si Bautista sa mga kasubong niya nga kabataan kag botante nga mangin maalam sa pagkilala sa mga kandidato kag siguraduhon nga sila ang may kapasidad nga magdumala kag pangunahan ang pag-uswag sang pungsod.
