Wala sang bayad ang mangin mabuot sa isig-katawo.
Ini ang nangin pahayag ni Shawn Mijares, Mr. Peace International Philippines kag Mr. Teen SOCCSKSARGEN Region 12, sa interview sang Bombo Radyo Koronadal.
Suno kay Mijares, kinahanglan sang kada isa nga magpabilin nga mabuot kag ipakigbato ang hustisya.
Ginpahayag man niya nga ang hustiya ang wala nagatan-aw sa relihiyon, etniko, estado, kag gender bangud ini ang dapat maangkon sang tanan. Suno kay Mijares, nakit-an niya ang diskriminasyon sa mga taga Mindanao, gani ginahimo niya nga adbokasiya ang hustiya para sa tanan nga indibidwal.
Sa pihak nga bahin, ginpabutyag man ni Mijares ang indi husto nga pagpanggobyerno sang Pilipinas kabangdanan sang mga kinagamo sa tunga sang gobyerno kag armed forces group.
Samtang, nagpanawagan man si Mijares sa publiko sang paghiliusa agud matapna ang mga diskriminasyon kag kinagamo sa pungsod Pilipinas.
