Nakapagkit na sang isa ka patay kag libo-libo nga mga pumuluyo ang naghalin sa ila mga balay sa nagkalain-lain nga probinsya sa Caraga Region bangod sa pagpanalasa sang bagyo Basyang, nga nag-landfall sa banwa sang Bayabas, Surigao del Sur kagab-i.
Ang napatay amo ang isa ka babayi nga nasapwan nga nasabit matapos ma-anod sang baha sa Andanan River sa Purok 9, Brgy. Noli, Bayugan City sa probinsya sang Agusan del Sur, kag yara na subong sa kustodiya sang iya pamilya.
Sa pihak sini, may ginatos ka mga evacuees ang narekord sa mga banwa sa mga probinsya sang Surigao del Sur kag Surigao del Norte, Agusan del Sur kag Agusan del Norte, pati na sa Dinagat Islands.
Ginpahayag man ni Coast Guard Station Surigao del Norte Ensign Roy Christopher Orillaneda nga may 171 ka mga stranded nga pasahero na sila nga narekord halin sa Surigao kag Lipata Ports sa Surigao City, kag 69 ka rolling cargoes, matapos ginpahalinay ukon ginpahamtangan ang tanan nga biyaheng pandagat para sa tanan nga klase sang mga salakyan agud masiguro ang kaluwasan sang tanan.
