-- ADVERTISEMENT --
Nagpabutyag sang pagkadismaya ang kampo ni anay Presidente Rodrigo Roa Duterte matapos ginbalibaran sang International Criminal Court (ICC) ang ila pangabay nga magpresentar sang ila kaugalingon nga ebidensya medikal.
Suno sa ila lead counsel nga si Atty. Nicholas Kaufman, ginlapas kuno sang korte ang kinaandan nga proseso bangud wala sila ginhatagan sang kahigayunan nga kwestyunon ang mga report sang mga eksperto nga ginpili sang mga huwes.
Sang Enero 26, 2026, nagpaguwa sang desisyon ang ICC nga nagasiling nga “fit to stand trial” si Duterte base sa pag-usisa sang tatlo ka independent medical experts.
