Nagapadayon sa subong ang paalinton sa publiko sang pamunuan sang Office of the Civil Defence Region 12 (OCD-12) nga i-monitor ang palibot kag ang puluy-an sa tion nga magluntad ang linog makaligad ang naeksperyensiyahan nga pagtay-og kahapon sang kaagahon.
Suno sa ginpagwa nga datos sang Phivolcs, ang lindol may kahiladmon nga 10 kilometro kag naghalin sa lokasyon nga 43 kilometro sa timog-kasidlakan sang Kalamansig, Sultan Kudarat.
Nabatyagan ang lindol sa nagkalain-lain nga lugar sa rehiyon:
Intensity IV – Kalamansig, Sultan Kudarat
Intensity III – Kiamba kag Maitum (Sarangani); Santo Niño, T’Boli, Norala, Surallah, Tupi (South Cotabato); Isulan (Sultan Kudarat)
Intensity II – M’lang (Cotabato); Digos City (Davao del Sur); Maasim, Malungon, Alabel (Sarangani); Tampakan, Tantangan, Banga (South Cotabato); Bagumbayan, Esperanza (Sultan Kudarat)
Intensity I – Sta. Maria (Davao Occidental); Malapatan (Sarangani); Columbio (Sultan Kudarat); Zamboanga City
Sa interview sang Bombo Radyo Koronadal kay Ann Beverly Santos, Information Officer II sang Office of the Civil Defense (OCD) 12, iya ginpahayag nga sa subong wala pa sang ginreport nga danyos ukon casualty.
Apang ginapanawagan niya ang publiko nga magpabilin nga kalmado apang alerto, magsunod sa opisyal nga emergency kag safety protocols, kag maglikaw sa pagpalapta sang indi beripikado nga impormasyon. Unahon gid ang kaluwasan sang kaugalingon kag sang pamilya.
Ginapangabay ang tanan nga mangin maalam, maingat, kag maghiusa bilang isa ka matig-a kag handa nga probinsya
